Бөтә яңылыҡтар
10
Новости
10 Март , 12:00

Һуңғы ҡыңғырау һәм сығарылыш кисәләре көндәре билдәле булды

Мәктәптәрҙә һуңғы ҡыңғырау байрамы – 24 майҙа, ә сығарылыш кисәләре 28 июндә була, тип хәбәр итә РИА Новости Рәсәй Мәғариф министрлығына һылтанма менән.

Һуңғы ҡыңғырау һәм сығарылыш кисәләре көндәре билдәле булды
Һуңғы ҡыңғырау һәм сығарылыш кисәләре көндәре билдәле булды

«Быйылғы уҡыу йылында Рәсәй мәктәптәрендә һуңғы ҡыңғырауҙар – 24 майҙа, ә сығарылыш кисәләре 28 июндә үткәрелә. Мәғариф министрлығы илдең барлыҡ субъекттарына тейешле тәҡдимдәр әҙерләне», — тиелә белдереүҙә.

Сығарылыш кисәләрен уҙғарғанда мәктәптәрҙә Рәсәй флагын күтәреү һәм гимнын башҡарыу, күп быуынлы һәм күп балалы ғаиләләрҙең вәкилдәрен ҡотлау, ата-әсәләрҙең, шул иҫәптән дәүләт наградалары менән бүләкләнгәндәрҙең, МХО-ла ҡатнашыусыларҙың сығышы ҡаралған.

Бынан тыш, төбәктәргә инвалид һәм һаулыҡ мөмкинлеге сикләнгән уҡыусылар өсөн хәүефһеҙлек сараларын тәьмин итеү бурысы йөкмәтелде.

Быйыл Башҡортостанда 9-сы класты –  50 меңдән ашыу кеше, ә 11-се класты 15,5 меңгә яҡын уҡыусы тамамлай.

 

Фото: https://vk.com/club152682955

Автор:Галина Бахшиева
Читайте нас: